У перыяд з 4 па 5 верасня на тэрыторыі ААТ «Гродна Азот» была праведзеная прамысловая інспекцыя ў рамках міжнароднага кантролю, здзяйснянага Арганізацыяй па забароне хімічнай зброі (АЗХЗ). Арганізацыя па забароне хімічнай зброі (АЗХЗ) створана ў адпаведнасці з Канвенцыяй аб забароне хімічнай зброі (КЗХЗ), падпісанай 13 студзеня 1993 г.

Адной з асноўных мэт дадзенай міжнароднай дамовы з'яўляецца забеспячэнне знішчэння сусветных запасаў хімічнай зброі і недапушчэнне яе стварэння і распрацоўкі. Для рэалізацыі гэтай мэты ў АЗХЗ функцыянуе сістэма міжнароднага кантролю. У яе рамках кожная дзяржава-ўдзельніца абавязана прымаць інспекцыі рознага віду і прызначэння, якія праводзяць інспектары Тэхнічнага сакратарыята Арганізацыі з мэтай праверкі выканання палажэнняў КЗХЗ. Мерапрыемствы, якія праводзяцца з боку АЗХЗ на тэрыторыі Рэспублікі Беларусь, адносяцца да катэгорыі прамысловых інспекцый, — інспекцый на прадпрыемствах хімічнай прамысловасці, звязаных з вытворчасцю пэўных хімікатаў.

На гэты момант пад дзеянне АЗХЗ трапляюць чатыры беларускія прадпрыемствы: завод «Палімір» ААТ «Нафтан», ААТ «Магілёўхімвалакно», ААТ «Лакафарба» і ААТ «Гродна Азот». Рэспубліка Беларусь прадстаўляе штогадовыя аб'явы ў адносінах да гэтых прадпрыемстваў, а таксама абавязана садзейнічаць іх інспектаванню з боку АЗХЗ. Узаемадзеянне з прадстаўнікамі АЗХЗ кіраўніцтва і персаналу ААТ «Гродна Азот» у рамках ажыццяўлення міжнароднага кантролю прайшло канструктыўна. Па выніках візіту дэлегацыяй АЗХЗ была складзена справаздача, якая пацвярджае, што прадпрыемства цалкам адпавядае заяўленай дзейнасці.